Guest
Мужыр йӱксӧ Мутшо: Геннадий Сабанцевын (Оярын) Семже: Валерий Кульшетовын Мура: Елизавета Шишкина Тиде муро пеш келге шонымашан. Акрет годсек айдеме илышын тӱҥ шонымашыжым кычалеш. Но кӱчык ӱмырым илен лектын, таки молан илмыжым умыленак огеш шукто. Очыни, тиде йодышлан вашмутым пӱртӱсыштӧ кычалман. Йӱксӧ-влакын илышыштым да койыш-шоктышыштым ончалат гын, нуно ваш-ваш пагален, йӧратен, икте весылан полшен, ойгым пырля ойгырен, курым мучко пырля порын илат. Мужыр йӱксӧ-влакым ончен, айдеме тукымланат тыгакак илаш тунемаш кӱлеш. Вет илышын тӱҥ шонымашыже тиде — чыланыштланат ваш-ваш йӧратен, пагален, икте весылан полшен, весе нерген сайым веле шонен, порын илыман. Лач тыге тек лиеш ӱмыреш – йӱксыла йӧратен тек илат, чыланат, чыланат, чыланат!!!
