Guest
Авыл хәтирәләренең бер өлешен җәй иртәләрендә әтәч тавышын, кошлар сайрауларын ишетеп уяну. Кошлар теле бигрәк тә искиткеч инде. Хәтта чыпчык чыркылдавы да язгы якта күңелгә май булып ята. ⠀ Шуңадырмы кош теле дип исем биргәннәр бу татлы ризыкка да. ⠀ Әтиемнең әнисе Хәбибә әби бик оста пешерә иде аны. Ашка барганда бигрәк тә - мендәр сыман куыш кош теле пешерә иде ул. Әби истәлегенә диеп балалар белән бергә без дә пешердек әле. ⠀ Кетер-кетер итеп тора да, авызда бер мизгелдә эреп юк та була. Ә кетердәп торсын өчен сере дә бар бит әле аның. Ә, гомумән, пешерүе кыен түгел. Эшләп карыйбызмы? ⠀ 1 йомыркага пешерсәгез - бер утырып чәй эчәрлек 1 тәлинкә була. ⠀ Мин, гадәттә, 3 йомыркага пешерәм. Ярты бал кашыгы үсемлек мае. Он. Башка әйбер кирәкми дә. ⠀ ✓Йомыркаларны әйбәт кенә болгатырга. Май, он кушабыз. Камырны токмачныкына якын итеп басабыз. Үзләндерергә ярты сәгатькә куеп торабыз. ✓Табакка май салып әкрен генә җылынырга куярга. Мин ике табакта пешерәм. ✓Камырны җәябез. Мендәр кош телен ясар өчен камыр җәймәсен
