Канал Культура Беларускага радыё. Мікіта Моніч. 02. Як спажываць мастацтва -

Музей адчувае сябе храмам мастацтваў, галерэяй часавых парталаў, гаванню вечнасці. Карані Асветы і флёр рамантызму мяркуюць, што і Карыстальнік будзе адчуваць сябе, як мінімум, вандроўнікам-Што-Стаіць-на-Скале-Над-Бесданню-Поўнай-Туману. Карыстальнік павінен памятаць, што за з'яўленне музея часта плацяць высокую цану: галава Людовіка 16, ваенныя рабаванні, каланізацыя, экспрапрыяцыя прыватнай уласнасці і іншая нацыяналізацыя. Больш прыватнымі і менш драматычнымі прычынамі зʼяўлення новых музеяў або папаўнення калекцый існуючых могуць стаць жаданне пазбегнуць падаткаў, абессмяроціць сваё імя або банальнае адчуванне надыходзячай бяздзетнай смерці. Дадзены спіс прычын не зʼяўляецца поўным і канчатковым. Галоўная задача музея – захаванне культурнай спадчыны. #КаналКультура #КультурныяСкрыжаванні