Guest
13 снежня ў Брэсце Дзмітрый Мядзведзеў заявіў, што існуюць два “інтэграцыйныя” сцэнарыі для Беларусі — кансерватыўны і прасунуты. Паводле першага, па словах Мядзведзева, у нас захоўваюцца тыя “контуры Саюзнай дзяржавы, якія маем сёння — без павышэння ўзроўню інтэграцыі”. Другі — адзіная валюта, адзіная мытная служба, суд, падліковая палата. Ці можна словы Мядзведзева зразумець як прапанову Беларусі ўвайсці ў склад Расіі? Ці знойдзе Мінск такія аргументы, каб і суверэнітэт краіны захаваць, і грошы ад Расіі атрымаць? На гэтыя ды іншыя пытанні ў жывым эфіры Еўрарадыё адкажа кіраўнік Цэнтра стратэгічных і знешнепалітычных даследаванняў Арсеній Сівіцкій.
