Guest
Язның иң күркәм бәйрәме алдыннан «Сөембикә» журналы ПАО «Казаньоргсинтез», «ТАТМЕДИА» АҖ, «Россия Почтасы» белән берлектә 8 Мартка «Күңел җылысы кушып» исемле бушлай акция уздыра! Казан шәһәренең барлык почта бүлекчәләрендә сезне марка ябыштырган эксклюзив бәйрәм тәбрикләмәләре көтә. Казанда яшәүчеләр почта бүлекчәсенә килеп, Россиянең теләсә кайсы почмагына бушлай 8 Март окрыткасы җибәрә ала. Бары тик адресны һәм котлау текстын гына язарга кирәк! Бу мөмкинлек белән казанлылар 27 февральдән файдалана ала. Тәбрикләмәләр саны чикле!
