Дро саро свэто кэрдэ карантино. Бахтали Патради!

#AvenSastePatradi #АвэнСастэПатради #Патради_бэшэн_кхэрэ #Patradi_beshen_khere Тэ явэл бахтало адава свэнко – амари Патради! Ямэ дужакирас лэс сарэ илэса. Нэ кана дриван пхаро времё – насвалыпэн коронавирусо хаськирэл манушэн – дур кхэрэстыр, и дро саро свэто кэрдэ карантино. Соб тэ зракхэс пэскиро джиипэн и пэскирэ семьи, чеби тэ бэшэн кхэрэ. Нашты тэ выджя кхэрэстыр, а коли тумэ зкэдэнэнпэ варикай тэ выджян, чеби тэ урьен маска и тэ морэн васта бут молы. Дрэ дава бэрш амари Патради явэла непривычнэс: нашты, соб бут манушэн зкэдэнаспэ кхэтанэ. Ямэ джинас, со дякэ на кэрэлпэ кэ рома, нэ дякэ чеби тэ кэрэ, соб насвалыпэн тэ на розджялпэ и тэ на хаськирэл ямэн. А ямэ джинас, со дава насвалыпэн умарэл манушэн, и бутыр сарэстыр страдынэн пуранэ мануша. Карантино сы законо, ромэнгэ и гадженэе. Тэ дэл о Дэвэл, соб тэ проджял дава карантино, соб сарэ ямэ тэ явас састэ и зоралэ. Нэ кана придыкхэнте палэ дова, соб тэ кэрас адякэ, сыр ямэнгэ припхэндо. Свэнкоса тумэн! Бахт тумэнгэ, зор, састыпэн!