Guest
«Тақиялы періште» деп фильмнің басты кейіпкері география пәнінің мұғалімі Тайлақты дәл осылайша еркелете атайды. Тайлақ – бұл алпамса денелі және періштелі мінезі бар кең пейілді жан. Ол өз анасынан артық шеше жер бетінде жоқ деп санайды. Сонымен қатар, Тайлақ тіпті дастархан басында өзінің сүйікті тақиясын басынан тастамайды. Ұялшақ «періштенің» бойдақ өміріне балта шапқысы келген анасы Тана ұлына қосақ іздеп Алматыға келеді. «Еркекке жалғыз өмір сүруге болмайды, оның қаснда анасы, жоқ дегенде әйелі болуы қажет» - деп пайымдайды Тана. Келін іздеу барысында ол, оған өз көңілін білдіре бастаған Нияздың отбасымен танысады.Осы кездерде Тайлақ көрікті Айшамен танысады. «Періштенің» анасы ұлының таңдауын бірден қабыл алмайды. Айшаның, кезінде Тананың жігіті болып, өз сөзінде тұрмаған Таирдың қызы екені белгілі болады. Мұндай жәйтті ұмыту қиын.«Періштеге» тұрмысқа шығуды сыра сатушы Алтыншаш та аңсайды. Сатушының артынан түсуден құтылған Тайлақ Айшаға үйленуді ұсынады. Нияз болса, Тананың оған әйел болуын қалайды.
