Guest
Үлкен беделге жеткен Тимоти Доунер 2013 жылдың жаз айында жалпы 3 рет көпшілік алдына шығып сөйлеген екен: біреуі Эппл компаниясы басшыларының басқосуында, екіншісі TEDxTeen көрермендеріне және соңғысы – Орландода жиналған аттай 25000 көпшіліктің алдында. Әсілі, медиа ресурстарында Тимоти турасында ерінбегеннің барлығы жазды да, талантын жалпыға әйгілеп те жатыр. Оның айшық себебі де бар: жас американдық талант 20-дан астам шет тілін меңгеріп, гиперполиглот атанған. Тимоти шет тілдерін меңгеруге он үш жасында кіріседі. Оған түрткі болған – Таяу Шығыс елдеріне деген қызығушылығы. Әуелде ивриттен бастаған ол, Израильдік ән тобының репертуарындағы 20 әнін жатқа білетін дәрежеге келеді. Қалыпты әдеті бойынша, сол әндердің сөздерінің орнын ойша ауыстырып, тілдің ұңғыл-шұңғылына үңіледі. Әредік тілдің қолданысын құлақпен естіп, жетілдіру мақсатында Нью Йорктің шеткі аймақтарындағы Израильдік мейрамханаларды төңіректейді. Артынша, Тимоти араб тіліне көңіл қояды. Ондағы әдіс – күнделікті жаңалықтарды бір сүзе оқу жән
