Православный календарь, Воскресенье 2 июня 2024. Обретение мощей святителя Алексия, митр.Московского

Неделя 5-я по Пасхе, о самаряныне. Глас четвертый. Собор мученников Холмских и Подляшских (переходящее празднование в 1-е воскресение после 19 мая). Мчч. Фалалея, Александра и Астерия (ок. 284). Обретение мощей святителя Алексия, митр. Московского и всея России, чудотворца (1431). Блгв. кн. Довмонта, во св. крещении Тимофея, Псковского (1299). Мч. Аскалона (ок. 287). Преп. Завулона и Сосанны, родителей святой равноапостольной Нины (Нино). Прп. Фалассия мироточца, Ливийского. Прпп. Никиты, Иоанна и Иосифа, Хиосских. Св. Етелберта, короля и мученика (793) (Кельт. и Брит.). Прп. Стефана, игумена Пиперского (Серб.). Св. Марка пустынника (Греч.). Св. Австрегиселия, еп. Бургского (624) (Нидерл..). Чтения дня Иоанна 20:1-10 (на утрене. Евангелие 7-e) Деяния 11:19-26, 29-30 Иоанна 4:5-42 Евреям 13:17-21 (святителю) Луки 6:17-23 (святителю) Тропари Неделя 5-я по Пасхе, о самаряныне. Тропарь воскресный, глас 4. Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся смерть,/ воскре́се Христо́с Бог,/ да́руяй ми́рови ве́лию ми́лость. Кондак, глас 8. Ве́рою прише́дшая на кла́дязь самаряны́ня,/ ви́де Тя́ прему́дрости во́ду,/ е́юже напои́вшися оби́льно,/ Ца́рствие вы́шнее насле́дова ве́чно, я́ко присносла́вная. Тропарь воскресный, глас 4. Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся сме́рть,/ воскре́се Христо́с Бог,/ да́руяй ми́рови ве́лию ми́лость. Богородичен, глас тойже. Éже от ве́ка утае́нное,/ и Áнгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Кре́ст во́лею нас ра́ди восприи́м,/ И́мже воскреси́в первозда́ннаго,/ спасе́ от сме́рти ду́ши на́ша. Кондак, глас тойже. Спас и Изба́витель мой/ из гро́ба, яко Бог,/ воскреси́ от уз земноро́дныя,/ и вра́та а́дова сокруши́,/ и я́ко Влады́ка воскре́се тридне́вен. Обретение мощей святителя Алексия, митр. Московского и всея России, чудотворца. Тропарь, глас 2. Я́ко сокро́вище пребога́тое, многоле́тно в земли́ сокрове́нное,/ честны́я мо́щи твоя́ обрето́шася чудоточа́щия,/ всеблаже́нне о́тче святи́телю Алекси́е:/ от ни́хже врачевство́ прие́млюще, обогаща́емся/ и Христа́ славосло́вим, глаго́люще:/ сла́ва прославля́ющему святы́я Своя́. Ин тропарь, глас 4. Апо́стольских прее́мников архиере́ев сопресто́льниче,/ Росси́и всея́ па́стырю и учи́телю,/ всеблаже́нне о́тче Алекси́е,/ Влады́це всех моли́ся/ мир па́стве твое́й дарова́ти,/ и спасе́ние душа́м,/ и ве́лию ми́лость. Ин тропарь, глас 3. Свы́ше от Бо́га глас глаго́лющ услы́шав,/ от ю́ности подвиза́вся, му́дре,/ в моли́твах, и во умиле́нии, и сле́зах,/ во бде́ниих же и поще́ниих о́браз быв доброде́тели,/ отоню́дуже и дом Ду́ху Пречи́стому яви́ся./ Сего́ ра́ди Ру́сския митропо́лии архиере́йским са́ном почте́н быв,/ Христо́во ста́до упа́сл еси́ до́бре,/ ерети́ческая нападе́ния, не усумне́ся, отрази́/ и це́ркви воздви́же Христо́ви, святи́телю Алекси́е,/ и́ночествующих ли́ки собра́/ и сих Христо́ви приве́л еси́./ У́мре же, яви́ся, я́ко спящ,/ цел соблюде́н бысть пред мно́гими ле́ты,/ подава́я цельбы́ боля́щим./ Тем мо́лим тя:/ моли́ Христа́ Бо́га спасти́ град твой Москву́ неврежде́н/ и страну́ и правосла́вныя лю́ди по вели́цей Его́ ми́лости. Ин кондак, глас 3. Я́ко светоно́сная па́мять святи́теля/ всем разруши́ уны́ние/ и свет облиста́ Небе́сных даро́в,/ всех созыва́ющи на весе́лие:/ от Бо́га бо, святи́телю Алекси́е, благода́ть обре́те прогони́ти неду́ги/ и вся челове́ки исцеля́ти,/ и мни́хом же степе́нь показа́ся. Кондак, глас 8. Я́ко со́лнце незаходи́мое, от гро́ба возсия́ нам/ от мно́г лет сокрове́ны честны́я твоя́ мо́щи нетле́нны,/ святи́телю Алекси́е,/ тобо́ю благода́ть прие́млем:/ всю бо страну́ сию́ и вся ны чудесы́ и добро́тою обогаща́еши,/ де́йством благода́ти, да пое́м ти:/ ра́дуйся, о́тче, свети́ло Росси́и. Блгв. кн. Довмонта, во св. крещении Тимофея. Тропарь, глас 8. И́же о́тчее нече́стие возненави́дев,/ преблаже́нне кня́же Дома́нте,/ и но́щи стра́стныя избе́г, е́же к и́долом тща́ние,/ прии́де мы́слию к Со́лнцу сла́вы — Христу́,/ озари́вся благода́тию Боже́ственнаго Креще́ния,/ и ны́не во све́те Пресвяты́я Тро́ицы предстоя́,/ моли́ Христа́ Бо́га сохрани́ти и спасти́ правосла́вныя лю́ди/ и град твой от безбо́жных ага́рян,/ и лати́н наше́ствия, и междоусо́бныя бра́ни/ и спасти́ся душа́м на́шим. Ин тропарь, глас 4. Ду́хом Бо́жиим наставля́емь,/ о́тчее нече́стие отве́ргл еси́,/ святы́й благове́рный кня́же Тимофе́е,/ потща́лся еси́ приити́ в богоспаса́емый град Псков,/ в не́мже ду́шу твою́ благода́тию свята́го Креще́ния просвети́в,/ ве́рою и любо́вию оби́тель в себе́ сотвори́л еси́ Пресвяте́й Тро́ице,/ Éйже непреста́нно моли́ся/ дарова́ти душа́м на́шим/ мир и ве́лию ми́лость.