Беларусь для беларуса - урывак з фільму Тутэйшыя

10 гадоў таму назад мы зьнялі фільм (ці хутчэй тэлеспэктакаль) «Тутэйшыя». Гэта быў першы буйны тэлепраект «Белсату». Рэжысэры Валер Мазынскі і Дарыюш Шада Бажашкоўскі набралі зорную каманду актораў — Паўла Харланчука, Алега Гарбуза, Анатоля Ката, Яўгенію Жуковіч, Валера Шушкевіча, Мікалая Рабычына, Дзяніса Тарасенку, Паўла Крыксунова і іншых. Здымалі ў Тыкоціне пад Беластокам, які паводле распаўсюджанага меркаваньня - вельмі нагадвае даваенны Менск. Атрымаўся моцны праект, які на той час меў шырокі розгалас, фільм паказвалі ў школах, мы распаўсюдзілі тысячы дыскаў па ўсёй Беларусі. Лукашэнкаўскія ўлады абвінавацілі наш фільм ледзьве не ў экстрэмізьме. Мне давялося весьці перамовы зь міністэрствам культуры, і вось які адказ ад яго я атрымаў: “У фільме скажаецца сэнс і мастацкая скіраванасьць твору Янкі Купалы, што стварае ў гледача няправільнае ўяўленьне аб творчасьці клясыка беларускай літаратуры, закранае яго годнасьць”. Цэнзары таксама выявілі, што ў фінальнай частцы маюць месца “праявы шавінізму і нацыя