Guest
2021 жылы бастау алған дәстүрлі шара биыл да өз жалғасын тапты. Үшінші мәрте ұйымдастырылып отырған «Күлтегін» жырын жатқа оқу байқауы «Eurasia еpos» ағарту жобасы аясында өтті. 📚13 факультеттен 30 студент бақ сынаған сайыстың ақтық кезеңіне 5 білім алушы өтті. Олар «Күлтегін» жырының Мырзатай Жолдасбек ұсынған нұсқасын жатқа айтудан және сұраққа жауап беру кезеңдері бойынша сынға түсті. 👉Байқау нәтижесі бойынша «ENU Күлтегіні» АТФ 1 курс студенті Серік Қалдан атанды. Жүлдеді ІІ орынды ЖСФ студенті Ажар Сұлтан, ал ІІІ орынды ӘҒФ студенті Ажар Сайпитан иеленді. 👍Сонымен қатар, «Зерделі» номинациясымен ЭФ 2 курс студенті Улжан Аманжолова, «Жезтаңдай» номинациясымен ЖСФ 2 курс студенті Эльнура Бисенғали марапатталды. 👆Айта кетейік, І орынға 70000, ІІ орынға 50000, ІІІ орынға 30000 және номинацияларға 15000 теңге қаржылай сыйлықтар табысталды.
