Guest
Майатааҕы норуот театра ахсынньы 13 күнүгэр «Бастакы» диэн испиктээкили режиссер Данил Осипов туруоруутугар көрдөрдө. Туруоруу Мэҥэ Хаҥалас улууһун бастакы баһылыга, Саха Өрөспүүбүлүкэтин Санкт-Петербург куоракка бастакы бастайааннай бэрэстэбиитэлэ Василий Скрябин төрөөбүтэ 80 сылыгар ананар. Испиктээкил сүрэхтэниитигэр Матвей Мучин, Афанасий Мигалкин, СӨ култууратын уонна духуобунай сайдыытын миниистирэ Афанасий Ноев, норуот дьокутааттара Захар Никитин, Андрей Находкин уо.д.а. ыалдьыттаатылар. Испиктээкил туһунан толору видеоҕа көр.
