Guest
📢 Калыкым волгалтарымаш пост: Чыла эллаште ага тылзын 18-ше кечыштыже Тӱнямбал тоштер кече пайремлалтеш. Тиде кече 1977-ше ий гыч палемдалтеш. Ий еда пайрем шкенжын ойыртемалтше тоштер паша йодышлан пӧлеклалтше шонымаш ден эрта. Тиде кечыште тӱнясе шуко эллаште тоштер-влак шке омсаштым почыт, у экспозицийым, лекций, экскурсий-влакым да шанче лудмашым ямдылат. Ты кечын чылажат яра ончал савырнаш лиеш. Калыклан акций «Тоштерыште йӱд» чот келша. Тиде йӱдым тоштер-влак петырналтде пашам ыштат, а йӱд-кастен толшо-влаклан тоштер теме дене кылдалтше тӱрлӧ модышым, квестым, викторин-влакым темлат. Тиде ийын тӱняште чыла тоштер-влак коронавируслан кӧра петырыме улыт. Но тӱҥ тӱнямбал шедеврым да живописьым кызытат шке ноутбук экраныште ужаш лиеш. Тоштер-влак онлайн-коллекцийым ыштеныт, 3D-турым але виртуальный экскурсийым яра зал мучко вияш эфирыште ончыктат. Монтаж: Моско марий интернет ТВ #тоштер #музеи #марийэл #пайрем #народыРоссии #ага #марийскийязык #марийцымосквы #Москомарийтӱвырарӱдер
