Guest
Отбасы – адамның өте маңызды, өте жауапты жан ұясы, себебі отбасы адамға бақыт, толық мәнді тыныс-тіршілік әкеледі. Отбасы - қоғамдық құрылымның кіші тобы, алғашқы ұясы. Ананың мойнына жүктелген ауыр жүк – ана болу, ал көп баланың анасы болу нағыз ерлікке татиды. Осындай үлгілі де өнегелі отбасылардың бірі Сарыөзек ауылының тұрғыны, көп балалы ана, «Күміс алқа» иегері Бағдат Ахмадиева жолдасы Үсен Қалмақпаевпен 7 бала тәрбиелеп өсіруде. «Ана атанып, ұрпақ тәрбиелеу менің міндетім болса да, мемлекет тарапынан “Күміс алқа” тағынып, құрметке бөленіп отырғаныма ризамын. Балаларымның әрқайсысы елдің өркендеуіне өз үлесін қосатынына сенімдімін», – дейді көп балалы ана. Отбасы – шағын мемлекет, сол себепті «Мәңгілік ел» ұлттық идеясының арқасында отбасынан бастау алатын мейірімділік, ізгілік, адамгершілік қасиеттерін ұрпақ сіңірсе, мемлекетіміздің келешегі мол болып, ұлтымыз өркендейтіні сөзсіз.
