Guest
Пенсионерсем кунта эрне пурăнмалăх вăй-хал пухса каяççĕ Шупашкарти клубсен тĕп пĕрлешĕвне Чĕмпĕрти ĕçтешĕсем опытпа паллашма килчĕç. „Южный“ Культура çуртĕнче икĕ ен пĕр-пĕринпе çыхăну тытса ĕçлесси çинчен килĕшÿ турĕç. Хăнасем „Ретро“ ташă клубĕнчи дискотекăра та пулса курчĕç. Марина Карягина, Лидия Галактионова, Екатерина Янгалакова Икĕ регионти клубсен тĕп пĕрлешĕвĕсем культура çыхăнăвĕсене анлăлатса пĕрлехи фестивальсемпе ăмăртусем йĕркелесе ирттересшĕн. Çак тĕллеве вĕсем килĕшÿ çине алă пусса çирĕплетрĕç. Пуçару „Ретро“ ташă клубне çÿрекенсен кăмăлне те кайрĕ. Вĕсем пурте 60 урлă каçнă, анчах ташлама юратни яш чухнехине асилтерет кăна мар, çамрăклатать те-мĕн. Ватăлма васкаман пенсионерсем эрнекунсерен кунта дискотекăна пуçтарăнаççĕ. Клуба кăмăллакансем хулари тĕрлĕ пултарулăх ушкăнне çÿресе курнă, анчах „Ретрона“ çитекенни çук, теççĕ. Пĕр çемьери пек çывăхланса ĕлкĕрнĕ çынсем кунта эрне пурăнмалăх вăй-хал пухса каяççĕ, пĕр-пĕриншĕн тунсăхлама та пуçлаççĕ. Пĕрле сÿтсе явмалли, канашламалли вĕсен туп
