Guest
Тропарь: Вели́ка в ско́рбех уте́шителя обре́те тя Це́рковь Ру́сская, свя́те Кири́лле, ты бо, в годи́ну гоне́ния ча́шу страда́ний прие́м, жа́ждущия пра́вды воеди́но собра́л еси́, я́ко оре́л небе́сный под криле́ птенцы́ своя́, и вся научи́л еси́ ве́ры до́брому испове́данию. Те́мже в ли́це но́вых му́ченик Престо́лу Бо́жию предстои́ши, моля́ся о чту́щих любо́вию па́мять твою́. Кондак: Лучеза́рною твое́ю благода́тию нас просвети́, пою́щих му́жества твоего́ кре́пость, я́же вои́телем тьмы бе непристу́пна, и моли́твами твои́ми Це́рковь Ру́сскую в единомы́слии утверди́ и от бед оте́чество на́ше огради́, святи́телю Кири́лле, му́чениче сла́вный. Величание: Велича́ем тя, священному́чениче Кири́лле, и чтим честна́я страда́ния твоя́, я́же за Христа́ во утвержде́ние на Руси́ Правосла́вия претерпе́л еси́.
