Guest
2018 ел “Ярдәм” милли ислам хәйрия фонды өчен уңышлы узды һәм төрле чараларга һәм акцияләргә бай булды. “Ярдәм” фонды социаль яктан аз якланган кешеләр белән эшләвен дәвам итте. Алар арасында пенсионерлар, ятимнәр, күп балалы, аз керемле гаиләләр, сәламәтлеккә туймаган кешеләр бик күп. ДЦП диагнозлы, күзе күрмәгән, колагы ишетмәгән, неврология һәм нәселдән килә торган авырулар белән интегүчеләр дә, арбага утырып һәм таякка таянып йөрүчеләр дә биредә яклау тапты. Шулай ук эчкечелектән һәм әфьюннән зарар күрүчеләргә дә хәлдән килгәнчә ярдәм күрсәтелде, төзәтү колонияләрендә дин тотучыларга рухи тәрбия бирелде.
