Guest
Чăваш чĕлхине упрас, тĕпчес тата аталантарассипе республикăра ятарлă программа пурнăçланать. Ăна 2020 çултах йышăннă. Программăри тĕллевсенчен пĕри — чăваш чĕлхине интернет уçлăхĕнче аталантарасси. Палăртни мĕнле ĕçе кĕрсе пырать-ха? Тата мĕн тумалла? Хуравсене студентсем, чăваш чĕлхипе литературине вĕрентекенсем, культура тытăмĕнче тăрăшакансем, журналистсемпе блоггерсем, тăван чĕлхе шăпишĕн пăшăрханакансем шырарĕç. Вĕсем Чăваш патшалăх çамрăксене театрĕнче пухăнчĕç.
