Guest
15 сакавіка – дзень Канстытуцыі Беларусі. Яе прынялі ў 1994 годзе, роўна 25 гадоў таму. А пасля тры разы змянялі на рэферэндумах. А цяпер ізноў хочуць перапісваць, але размовы ідуць пра тое, што нават рэферэндума дзеля гэтага ладзіць не будуць. Што ў нашым жыцці залежыць ад Канстытуцыі? Ці можна на яе спасылацца, абараняючы свае правы? Як давесці, што Канстытуцыя парушаная? Пра гэта мы паразмаўляем з кіраўніком Беларускага хельсінкскага камітэта Алегам Гулаком і кіраўніком юрыдычнай службы БХК Гары Паганяйлам. Гары Пятровіч уваходзіў у групу юрыстаў, якія распрацоўвалі праект беларускай Канстытуцыі ў пачатку 1990-х. З якім настроем яны падыходзілі да гэтай працы, чаго хацелі дасягнуць, чым натхняліся? І што было потым? Вялікая размова пра Канстытуцыю пачнецца ў 11:05 пасля выпуска навінаў.
