Guest
30 ноября 2019 г. ВАЙ КЫРӞАЛОМ Вай кырӟалом, Вай вералом, Мед буйгалоз сюлэм висён, Сюлэм висён мед буйгалоз. Жин куараен, Сэзь мылкыдын Ӟеч ужъёслы сюрес сӥзём, Сюрес сӥзём ӟеч ужъёслы. Эш луоме, Ӵош шудоме. Ум вунэтэ анай кылмес, Анай кылмес ум вунэтэ. Юг нуналэ, Тём пеймытэ Ум ыштэлэ ог-одӥгмес, Ог-одӥгмес ум ыштэлэ. Тӥ - зарниос, Ми - азвесьёс, Валче улом быдэс даур, Быдэс даур валче улом. Ӵук шундымы, Выль ӟардонмы Мед ваёзы бадӟым шудбур, Бадӟым шудбур мед ваёзы. Ӵук шундымы, выль ӟардонмы Бадӟым шудбур мед ваёзы.
