Guest
4 жніўня пасля ператрусаў былі затрыманы сацыёлаг, старшы аналітык Цэнтра еўрапейскай трансфармацыі Таццяна Вадалажская і грамадскі дзеяч, філосаф і метадолаг Уладзімір Мацкевіч. Праз 10 дзён Таццяна Вадалажская выйшла на свабоду, але яна па-ранейшаму застаецца фігуранткай крымінальнай справы і пад падпіскай аб нявыездзе. Што стала нагодай для затрымання? Ці магчымае ва ўмовах сённяшняй Беларусі далейшае існаванне Лятучага ўніверсітэта? Чым для рэжыму небяспечная сацыялогія? Пра гэта ды шмат што іншае размаўляем з сацыёлагам, кандыдаткай сацыялагічных навук, эксперткай Агенцтва гуманітарных тэхналогій, праграмнай каардынатаркай Лятучага ўніверсітэта Таццянай Вадалажскай.
