Guest
Ашшӗ-амӑшӗ ывӑл-хӗрне мӗн ачаран ял хуҫалӑх ӗҫне явӑҫтарнӑ, тӑван ҫӗре юратма вӗрентнӗ. Пӗчӗкле такӑрлатма пуҫланӑ сукмакран пӑрӑнмасӑр Марина Алексеева агроном профессине алла илнӗ. Халӗ вӑл Раҫҫей ял хуҫалӑх центрӗн Чӑваш Енри филиалӗн Канаш тӑрӑхӗнчи пайӗн пуҫлӑхӗ-тӗп агрономӗ. Ҫавӑн пекех килти сад-пахчинче вун-вун тӗрлӗ чечек ӗрчетет, вӗсене пӑхас опычӗпе ыттисене те паллаштарать.
