Guest
Окуя 1994-жылы болгон Бир тууган эже-сиңди базарда иштейт. Бир баладан эже-сиңдинин бирөө миң сом карыз алат. Кайтарып бербей 3-4 айга созулуп кетет. Карыз берген бала 2-3 жолу “мага акча керек болуп жатат“ десе кыздар “топтой албай жатабыз, болуп калса беребиз“ дешет. Мурдагыдай эле, бир жерде иштеген кишилердей эле мамиле кылып жүрүшөт. Бирок анан бала жолдоштору менен спирт ичимдигин ичип, үйүнө келип кадимки ашкана бычагын чөнтөгүнө салып кетет. Барып эже-сиңди экөөнү тең бычактап салат, 32 жерине бычак саят, бирөөнү 5 жерине, бирөөнүн 27 жерине. Кармап келишкенде убактылуу кармоочу жайда посттогу милицияны уруп, эсин оодара коюп андан качып кетет. Бир айдай издешип, укук коргоо органдары таап келип, эки иш бириктирилгенде ага өлүм жазасы каралган.
