Guest
Мөслим туган якны өйрәнү музеенда 7 экспозиция залы эшли. Биредә төбәкнең табигате һәм археологиясе, этнографиясе белән танышырга, Совет чорына, Бөек Ватан сугышы һәм районыбызның бүгенге казанышларына караган экспонатларны күрергә була. Даими эшләп торучы күргәзмәләр залында якташларыбыз иҗаты, аларның хезмәт батырлыгы шаһитлары булган кызыклы материалларны өйрәнергә мөмкинлек тудырылган. Музей фонды бүген дә тулыланамы, музейга нинди предметлар китерергә була? Әлеге хакта Гөлназ Җәлилова белеште.
