Бугун, 7 апрель куни аралаш қоидалар яккакураши бўйича ўрта (-84 кг) вазн тоифасида октагонга чиқадиган ўзбекистонлик Маҳмуд Мурадов (20-6, 13 КО) Чехияда навбатдаги жангини ўтказди. Night of Warriors турнири доирасида ташкил этилган жангда ўзбекистонлик спортчига испаниялик Тато Примера (7-7, 5 КО) рақиблик қилди. Уч раундга мўлжалланган жанг биринчи раунддаёқ ўз ниҳоясига етди. Маҳмуд Мурадов томонидан пастдан йўналтирилган ўнг қўл зарбасидан сўнг рақиб ерга қулади ва ҳакам жангни тўхтатишга қарор қилди. Натижада Маҳмуд Мурадовнинг 20-ғалабаси унга WASO чемпионлик камарини тақдим этди.
Hide player controls
Hide resume playing