Guest
А нашыя родныя буслы ўжо адляцелі ў вырай! Вядома, што зіму яны правядуць у раёне пустыні Сахара ці Паўднёвай Афрыцы, за 9 тысяч кіламетраў ад Радзімы. Але там беларускія буслы-патрыёты не гняздуюцца і жывуць вялікімі зграямі. І як толькі пачнецца ў Беларусі вясна, яны зноў вернуцца ў свае родныя гнёзды, каб вывесці новае патомства буслікаў і радаваць нас сваім клёкатам. Ляцяць буслы на вялікай вышыні і днём, часам пралятаючы да 200 кіламетраў за суткі. Трымаюць свой шлях у асноўным над сушай, праз пералівы, скарачаючы да мінімуму марскія ўчасткі. Гэта звязана з тым, што для лунаючага палёту птушкам патрэбны ўзыходзячыя плыні паветра, якія фармуюцца над сушай. Праз водную прастору буслы пралятаюць толькі тады, калі бачаць супрацьлеглы бераг. Калі зайздросціце вольнам буслам — націскайце падабайку 👍, каб вясною гэтыя дзівосныя птушкі вярнуліся зноў у Беларусь!
