Guest
Гісторык і шэф-рэдактар часопісу «ARCHE» Аляксандар Пашкевіч – пра праблемы беларускага кнігавыдавецтва. У ўмовах адсутнасьці беларускамоўных садкоў, школаў і ўнівэрсытэтаў, амаль цалком зрасейшчанай грамадзкай прасторы ў нашай краіне пераважная большасьць беларусаў да ўсьведамленьня сваёй нацыянальнай тоеснасьці прыходзіць праз кнігу. Бальшыня накладаў беларускамоўных кніжак, паводле слоў госьця студыі «Белсату», складае ад 300 да 500 паасобнікаў. «Беларусы могуць, але ня хочуць чытаць па-беларуску, – кажа Пашкевіч. – Але патэнцыял ёсьць: пра гэта сьведчыць посьпех кнігі Андруся Горвата «Радзіва Прудок». Аўтарам трэба лавіць нэрву грамадзтва й арыентавацца на яе».
