Кт кысып утырсак, барысы да яхшы дип уйлаячаклар...

Бүген Баймакта 20 дәрәҗә салкын булуга карамастан, мәхкәмә бинасы янында башкорт активисты Фаил Алсыновны яклап меңнәрчә кеше җыелды. Социаль челтәрләрдә аңа теләктәшлек белдерәләр. Исегезгә төшерәбез: БР башлыгы Радий Хәбиров үтенеченнән соң Алсыновка “нәфрәт яки дошманлык уяту“ маддәсе нигезендә җинаять эше ачылды. Янәсе ул 2023 елның 28 апрелендә узган халык җыенында башкорт телендә чыгыш ясап, “Кавказ кешеләре“, “Урта Азия“ вәкилләре, “әрмәннәр“ турында тискәре фикерләр яңгыраткан. Фаил — дүрт бала атасы. Хәзер аңа 5 елга кадәр төрмә яный.