Guest
Тропарь: Днесь А́нгели с челове́ки ра́дуются вку́пе о́бщим весе́лием, Не́бо и земля́ све́тло лику́ют в па́мять твою́, свя́те. И мы, гре́шнии, приле́жно ти вопие́м: помоли́ся к Влады́це о нас, изба́вити ны от напа́сти ви́димых и неви́димых враг, чту́щих пресве́тлую па́мять твою́. Кондак: С ли́ки А́нгельскими предстоя́, блаже́нне кня́же Вячесла́ве, наслажда́ешися Боже́ственныя и неизрече́нныя добро́ты, и отту́ду благоде́тельныя да́ры поче́рп чуде́с, всем, притека́ющим ве́рою под твою́ святы́ню источа́еши цельба́м дарова́ние. Молитва: О святы́й кня́же Вячесла́ве! Усе́рдно про́сим тя моли́тися за ны, да прости́т Госпо́дь Бог на́ша согреше́ния во́льная и нево́льная и очи́стит нас от вся́кия скве́рны пло́ти и ду́ха, да изба́вит нас от ко́зней диа́вола и сохрани́т от клеветы́ людски́я, да утверди́т нас в и́стинной ве́ре и благоче́стии, да соблюде́т от суему́дрых и душетле́нных уче́ний, да сохрани́т сердца́ на́ша от собла́знов ми́ра сего́ и да научи́т огреба́тися от плотски́х страсте́й и по́хотей, та́ко, го́рняя му́дрствовати, а не земна́я, прославля́юще Единосу́щную Тро́ицу во ве́ки и в век ве́ка. Ами́нь.
