znak stop віншуе з Днём Роднай Мовы || Калі глядзіш на неба праз краты

У Дзень Роднай Мовы мы натхніліся вершам Андрэя Аляксандрава, які ён напісаў з-за кратаў. Калі на неба глядзіш праз краты, не бачыш кратаў, а бачыш неба. Учорашні хлеб пахне цвіллю і стратай, а заўтрашні пахне сапраўдным хлебам. Ты кажаш: неба — падман аптычны. Але падман — гэта краты, вер мне! Бо краты — толькі хэштэг, як звычка, А гэты хэштэг зараз проста ў трэндах. Ды справы няма да хэштэгаў небу, пра трэнды неба зусім не ў курсе, яно пад нагамі не чуе глебы, не лічыць стагоддзяў і хлебных лустаў. І неба цягне аблокаў вату над часам — адзінае, што жыве. І неба таксама не бачыць кратаў, калі ўглядаецца ў неба ўва мне.