Таатта улууһун Харбалааҕын олохтооҕо Алексей Уваров 2017 сылтан бааһынай хаһаайыстыба тэринэн билигин сүөһүлэрин-астарын дьиэ кэргэнинэн көрөллөр. «Аҕам сааһыран кыайбат буолла, онон дьаһалы барытын бэйэм илиибэр ыллым», — диэн кини кэпсээтэ. 57 ураа муостааҕын уонна 27 ыанньыгын туруорар саҥа хотонун икки сыллааҕыта бэйэтин үбүнэн тутан киллэрбит. 2019 сыллаахха «Саҕалааччы фермер» граҥҥа кыттан хапсыбатах, оттон быйыл «Дьиэ кэргэн граныгар» киирсэр санаалаах. «Субсидияҕа киирсэн тиэхиньикэбитин саҥардыахпытын баҕарабыт», — диэн Алексей эбэн эттэ.
Hide player controls
Hide resume playing