Guest
Уæрæсейы нывгæнджыты Цæдисы уæнг, Санкт-Петербурджы Репины номыл паддзахадон академион институты рауагъдон Хъесаты Марат цæстуарзон лæвар бакодта Хуссар Ирыстоны паддзахадон университетæн йæ дипломон куыст «Память», зæгътæ, ахæм номимæ. Университетæн ацы лæвар бакæныны тыххæй йæм бахатыд йе ‘рдхорд зындгонд нывгæнæг Къацты Вадим. ХИПУ-йы ректор Тедеты Вадим зардæбын арфæйы ныхæстæ загъта Хъесайы фыртæн йæ лæвары тыххæй, афтæ ма Къацты Вадимæн дæр. Банысан кæнын ма хъæуы уый дæр æмæ Къацты Вадимы хъæппæрисæй, нывгæнæг Гуккаты Чермен дæр йæ куыст «Нарты эпос», зæгъгæ, ахæм номимæ, æрæджы кæй балæвар кодта университетæн æмæ ныридæгæн цасдæр рæстæг æхцондзинад æвзарын кæны, чи йæ фены, уыдонæн се ‘ппæтæн дæр.
