Як у Глыбокім Цярэшку жанілі 1997-1998

Калядная гульня-абрад “Жаніцьба Цярэшкі“ была адроджана ў 1997 годзе ўдзельнікамі народнага тэатра “Цярэшка“, якая і дала назву фальклорнаму калектыву. У аснову пакладзены мясцовыя гульнявыя традыцыі вёсак Запруддзе, Псуя, Празарокі. Фільм запісаны ў 2008 годзе ў Івесьскім КГТЦ. Хоць у спіс нематэрыяльных каштоўнасцяў Беларусі “Жаніцьба Цярэшкі” была дададзена як традыцыя Лепельшчыны, аднак абрад гэты з’яўляецца неад’емнай часткай культуранага краявіду Глыбоцкага краю. Нездарма фальклёрны калектыў які можна лічыць падаўжальнікам традыцый закладзеных тэатрам Ігната Буйніцкага носіць назву “Цярэшка”. Гурт не толькі выконвае традыцыйныя беларускія песні і танцы, але таксама ставіць жартоўныя тэатральныя сцэны і займаецца рэканструкцыяй традыцыйных абрадаў нашага краю. Калектыў пад кіраўніцтвам Наталлі Нікіфаровіч быў адным з першых, які займаўся таксама рэканструкцыяй традыцыі Жаніцьбы Цярэшкі. Плёнам працы сталіся шматлікія выступы і запісы абраду ў відэафармаце. #жаніцьбацярэшкі #глыбокае