Guest
Размалёўка “Брэст” пазнаёміць дзетак з вялікімі і малымі славутасцямі горада. З дапамогай гэтай размалёўкі можна зрабіць віртуальнае падарожжа па Брэсце, наведаць знакамітую Брэсцкую крэпасць, старажытныя храмы, паназіраць за працай ліхтаршчыка, прайсціся па беразе Мухаўца, падзівіцца на гарадскія скульптуры і проста шчыра пасмяяцца, бо мастак змясціў на размалёўцы шмат забаўных і запамінальных персанажаў. Размалёўка “Брэсцкая вобласць” распавядзе пра славутасці і гістарычныя мясціны гэтага рэгіёна, ды і ўвогуле пра цікавае і незвычайне на Брэстчыне. Сюжэты размалёўкі дазваляюць скласці агульнае ўяўленне пра прыроду, эканоміку, гісторыю Брэсцкай вобласці, даведацца пра месцы, якія можна наведаць разам з бацькамі. Усё, што змешчана на размалёўцы: палацы і храмы, звяры і птушкі, вадаёмы і прамысловыя аб’екты, дзеці і дарослыя, – пададзена так, каб маленькаму мастаку было цікава і весела.
