Guest
Унберенче көн биреме туган көн ризыгы әзерләү иде. Безнең гаиләдә туган көннәрне зурдан кубып уздырмасак та, җыелышып торт белән чәй эчеп, искә төшереп үтәбез. Шуңа бүгенге биремгә торт пешердек. Бисквит камырына минем 24 см формага 7 йомырка, 240 гр.он, 140 гр шикәр комы, ярты бал кашыгыннан кимрәк тоз салдык. Крем-чиз 420 гр.творожный сыр, 250 гр. сливки, 40 гр.шикәр пудрасыннан булды. Бисквитны ярты сәгать пешереп алгач, суыттык, 3 кисәккә бүлдек. Коржлар арасына сөртергә катырган кура җиләгеннән пюре ясап, бер аш кашыгы шикәр комы һәм бераз крахмал кушып куертып ясадык. Өстен гади генә, шоколад эретеп бизәдек. #гаиләтабыны2024 марафонын уздыручы Резида апа Хусаинова туган көне. Бәйрәмегез белән! Исәнлек, иминлек, бәрәкәт телибез! #тәмлебулсын2024 #тәмлемарафон2024 #чәйэчкәндә
