Guest
Беларускі свабодны тэатр анансаваў хуткую прэм’еру спектакля паводле рамана Альгерда Бахарэвіча “Сабакі Эўропы”. Прычым запланаваныя ў Мінску — беларуская прэм’ера спектакля, а ў Лондане — прэм’ера сусветная. Што праўда, пакуль не вядома, дзе на “Сабак Эўропы” можна будзе трапіць у Мінску — пытанне з памяшканнем пакуль не вырашана. Ці лёгка было адаптаваць раман на 900 старонак пад тэатральную пастаноўку? Ці задаволены Альгерд Бахарэвіч вынікам гэтай драматургічнай адаптацыі і ці былі спрэчкі з аўтарам падчас працы над гэтай адаптацыяй рамана? Беларуская і сусветная прэм’еры — чым яны будуць адрознівацца? Чаму ўзніклі праблемы з памяшканнем для прэм’еры ў Мінску і якім чынам іх можна вырашыць? На гэтыя ды іншыя пытанні ў жывым эфіры Еўрарадыё адкажуць драматург Беларускага свабоднага тэатра Марыя Бяльковіч і акцёр Аляксей Сапрыкін.
