АФТАЛИК

ҲАФТАЛИК 1) ЖАПАРОВ КЎП ҚУТБЛИ СИЁСАТ ОЛИБ БОРАЁТГАНИНИ МАЪЛУМ ҚИЛДИ Қирғизистон президенти Садир Жапаров ҳукумат ташқи сиёсатда кўп қутбли сиёсат олиб бораётганини маълум қилди. Бу ҳақда у 16-октабр куни “Кабар” агентлигига берган интервюсида айтиб ўтди. “Ҳокимиятга келганимдан бери 4 йил давомида ташқи сиёсатда кўп қутбли сиёсат олиб бораман. Керак бўлса, куни кеча Европа Иттифоқи билан ҳам ҳамкорлик битимини имзоладик. Мустақил Давлатлар Ҳамдўстлигига аъзо бошқа давлатлар билан ҳам яқиндан ҳамкорлик қилмоқдамиз. Сўнгги 4 йилда Мустақил Давлатлар Ҳамдўстлиги давлатларининг айрим аъзолари билан товар айирбошлаш ҳажми 7 баробарга ошди. Россия билан товар айирбошлаш ҳажми 4 миллиард доллардан ошди”, деди Жапаров. 2) ИИВ ЭКСТРЕМИЗМ БАҲОНАСИДА МУСУЛМОНЛАРГА НИСБАТАН ЗУЛМНИ КУЧАЙТИРИШ НИЯТИДА Қирғизистон ички ишлар вазирлиги экстремистик материаллар сақлаганларни жавобгарликка тортишни таклиф қилди. Бу ҳақда ИИВ ахборот хизмати маълум қилди. Таклиф этилаётган қонун лойиҳасига кўра, бундай материалларни сақлаган шахслар уч йилгача озодликдан маҳрум этилиши кўзда тутилган. Шунингдек, оммавий ахборот воситаларида эълон қилинган экстремистик материаллар учун ҳам жавобгарликка тортиш назарда тутилган. ИИВнинг маълумотларига кўра, 2020 йилдан бошлаб 2024 йилнинг сентябрига қадар экстремистик жиноятлар бўйича 1823та жиноий иш қўзғатилган. ИИВ бундан аввал Қирғизистонда экстремизмни тарқатганлик учун жазони кучайтиришни таклиф қилувчи қонун лойиҳасини муҳокамага қўйган эди. Унда экстремизмда айбланаётган мусулмонларнинг жазо муддатини икки ёки уч йилгача ошириш назарда тутилган. Масалан, 3 йилга озодликдан маҳрум этилиши керак бўлганларни 5 йилга, 5 йилга озодликдан маҳрум этилиши керак бўлганларни эса 7 йилга озодликдан маҳрум қилиш билан жазолаш таклиф этилган. 3) “МАРКАЗИЙ ОСИЁ” АТАМАСИНИ “ТУРКИСТОН” ДЕБ ЎЗГАРТИРИШДАН КЎЗЛАНГАН МАҚСАД Туркия Миллий таълим вазирлиги тарих фани ўқув дастурига тўлиқ ўзгартириш киритилганини маълум қилди. Янги дастурга кўра, “Марказий Осиё” атамаси “Туркистон” атамасига ўзгартирилади. Бу ҳақда “TRT Haber” ахборот агентлиги хабар берди. Туркистон, Турон, (Туркий Мамлакатлар Уюшмаси) – буларнинг барчаси таниқли услублар бўлиб, Ғарбнинг, айниқса, АҚШнинг нуфузини ғоявий ва иқтисодий жиҳатдан ёйишни мақсад қилади. Youtube kanal Azat kanal Turkiston biz AzatKG Интернет сайт: Биздин телеграм каналабыз Биздин кыргыз тилиндеги Фейсбук каналабыз Бизнинг Фэйсбук ўзбек тилида каналимиз Наш Фэйсбук канал на русском языке