Псалом 57, Псалом Давиду (Молитва от завистливых людей)

Пожертвовать на развитие канала - Аще воистинну убо правду глаголете, правая судите, сынове человечестии. Ибо в сердце беззаконие делаете на земли, неправду руки ваша сплетают. Очуждишася грешницы от ложесн, заблудиша от чрева, глаголаша лжу. Ярость их по подобию змиину, яко аспида глуха и затыкающаго уши свои, иже не услышит гласа обавающих, обаваемь обавается от премудра. Бог сокрушит зубы их во устех их, членовныя львов сокрушил есть Господь. Уничижатся яко вода мимотекущая, напряжет лук свой, дондеже изнемогут. Яко воск растаяв отъимутся, паде огнь на них и не видеша солнца. Прежде еже разумети терния вашего рамна, яко живы, яко во гневе пожрет я. Возвеселится праведник, егда увидит отмщение, руце свои умыет в крови грешника. И речет человек: аще убо есть плод праведнику, убо есть Бог судя им на земли.