Guest
З 2 па 9 лістапада ў Мінску пройдзе 25 па ліку міжнародны кінафестываль “Лістапад”. Праўда, пасля таго, як у лютым 2018 года міністр культуры Юрый Бондар назваў беларускія фільмы, паказаныя на кінафэстывалі “чарнухай, знятай за тры капейкі на лічбавую камеру”, арганізатараў фэсту нават не запрасілі паўдзельнічаць у выяўленні дваццаткі стужак, якія возьмуць удзел у конкурсе. Знаўцы кіно б’юць трывогу: “Лістапад” можа страціць права праводзіць фестывалі, якія атрымліваюць міжнародную акрэдытацыю, бо, згодна з правіламі, фестываль мусіць быць па-за цэнзурай з боку дзяржавы. Ці варта баяцца, што Беларусь у выніку застанецца без буйнога кінафестывалю? Ці прызнае Мінкульт памылку? І ўвогуле, якія фільмы фестывалю ні ў якім разе нельга прапусціць, у у жывым эфіры Еўрарадыё распавядаюць праграмны дырэктар ігравога кіно Ігар Сукманаў і каардынатар Нацыянальнага конкурсу Мікалай Лаўранюк.
