Guest
ҚАЗАҒЫМНЫҢ КИЕСІ – ҚАЗЫҒҰРТЫМ Сөзі: Ергөбеков Құралбектікі. 1995 жыл. Мамыр. Әні: Бұхарбаев Өміртайдікі. 1995 жыл. Тамыз. Кереметті Қазығұрт, Қызыр қонған төбесі-ай. Қайырлаған әуелде Нұһ пайғамбар кемесі-ай. Қайырмасы: Қазағымның киесі – Қазығұртым, сен едің. Бүкіл түркі халқының Ата жұрты мекенім. Қасиетті Қазығұрт, Әулиелер атасы. Қабыл болған бақ қарап Нұһ пайғамбар батасы. Қайырмасы: Он сегіз мың ғаламды Сақтап қалған кеме екен. Құттың алтын қазығы – Қазығұртым, сенде екен. Сезімімді тербеді, Даңқы шыққан атағың. Киесі бар өзіңде Жеті әулие атаның. Қайырмасы: Өркешіндей түйенің, Қазығұртым – киелім. Бір перзенті қазақтың Мен басымды иемін.
