Guest
Баалыкта бараан хараан аван чор деп Базар-оюм бажың савааш киштей бээрге Хөөмей, сыгыт, каргыраамны сала бээр мен Чүген-суглук эзеңгилер демнежи бээр. Чылгы дозуп, сыдым чаяр апардың дээш, Чыраа-доруун ачам күжүр хөлдеп берген Чывар соокка алзыптын дээш авам күжүр Чучак тонум дыдык черин даарап берген Сырын уткуй чаза чүткүй челип орар Сыын боттуг күжүр доруум салымы-дыр, Сырынналдыр аян тудуп ойнап орар Самдар кадай төрүп-ле каан салымым-дыр. Самдар дээштиң авамайны бактаваан мен Самдар дээштиң авамайны кыжырбаан мен Самдар кадай төрүп каан дээш мактанмаан мен Самдар дээрге авамга мээң ойзу адаан белээм ол-дур. Геннадий Тумат, 1987 чыл.
