Guest
✔ У выдавецтве «Беларуская Энцыклапедыя імя Петруся Броўкі» выйшла новая кніга беларускага паэта Віктара Кажуры «Слоўца да слоўца: амонімы для пачатковай школы». З дапамогай кнігі дзеці пазнаёмяцца з амонімамі і навучацца выкарыстоўваць іх у штодзённасці. Кніга адрасавана дзецям малодшага школьнага ўзросту. У 2020 годзе выдавецтвам «Беларуская Энцыклапедыя імя Петруся Броўкі» таксама выпушчаны яшчэ дзве кнігі Віктара Кажуры. - «Пакацілася сонейка... Вершы і загадкі пра месяцы года». Кніга з яркімі, жывымі ілюстрацыямі. У ёй змешчаны вершы, прымаўкі і загадкі пра месяцы года, а таксама прапануюцца займальныя заданні. - «Азбука ў загадках». Захапляльная кніга, багата ілюстраваная разнастайнымі раслінамі і жывёламі, прыгожымі прыроднымі з’явамі і казачнымі героямі. Адрасуецца дзецям малодшага школьнага ўзросту і прапануецца для выкарыстання на ўроках беларускай мовы. Аўтар відэа Бачароў Аляксандр. Глядзіце новы буктрэйлер:
