Guest
“Мәҙәниәт“ милли проектының “Мәҙәни мөхит“ федераль проекты сиктәрендә ҡалабыҙҙың балалар сәнәғәте мәктәбе өр-яңы музыкаль инструменттар алды. Федераль , республика һәм муниципаль район ҡаҙнаһынан бүленгән дүрт миллион һумдан ашыу аҡсаларға гитара, скрипка, тынлы музыка ҡоралдары, аккордеон, пианино, электрогитаралар алынған. Шулай уҡ дәрестәр өсөн мольберт, натюрморт өҫтәлдәре, ноутбук, телевизор һәм уҡыу китаптары килтерелгән. Сәнғәт мәктәбенең материаль-техник базаһын яңыртыу уҡытыу сифатын арттырыуға, балаларҙың ижади һәләттәрен асыуға ҙур йоғонто яһаясаҡ.
