Guest
Әлемдегі коронавирустық ахуалға байланысты шетелдерге ұшатын рейстердің саны азайтылды. 16 наурыздан бастап Қазақстан мен бірнеше мемлекет арасындағы тұрақты рейстердің біразы тоқтатылады. Атап айтар болсақ, Германия, Ұлыбритания, Нидерланд, Венгрия, Чехия, Польша, Түркия, Украина, Беларусь, БАӘ және Грузияға ұшатын ұшақтардың саны қысқаратын болды. Байқасаңыздар, дені - Еуропа елдері. Осы мемлекеттерге баруды жоспарлап, 16 наурыздан кейінгі бір күнге билет алып қойып, ол рейс орындалмайтын болса, тасымалдаушы компания ақшаңызды толығымен қайтарып береді. Ол үшін өзіңіз билет алған кассаға немесе әуе компанияның нөміріне хабарласыңыз. Егер ақшаңыз қайтпай немесе өзге де бір қиыншылықтар мен сұрақтар туындап жатса, азаматтарға арналған желі жұмыс істеп тұр. Қазақстанның авиациялық әкімшілігінің колл-орталығы 8 (7172) 64 58 41 нөмірі бойынша тәулік бойы қоңырау қабылдауға дайын. #1tvkz #смотримвместе #жаңалықтар #бастыжаңалықтар #Қазақстан
