Guest
Réveillez vous, coeurs endormis Le dieu d’amour vous sonne. À ce premier jour de may, Oyseaulx feront merveillez, Pour vous mettre hors d’esmay Destoupez vos oreilles. Et farirariron fere ly ioly... Vous serez tous en ioye mis, Car la saison est bonne. Vous orrez, à mon advis, Une dulce musique Que fera le roy mauvis Le merle aussi, Le stournel sera parmi D’une voix autentique. Ty, ty, pyty… Toi, que di tu? Le petit sansonnet, Le petit mignon Qu’est là bas? Passe vilain. Saincte teste Dieu! Il est temps d’aller boire. Tost, tost, au sermon. Guillemette, Colinette, sus, maistresse, à la messe, Saincte Caquette qui caquette, À Saint Trotin voir saint Robin Monstrer le tetin Le doulx musequin, Rire et gaudir c’es mon devis, Chacun s’y habandonne. Rossignol du boys ioly, A qui le voix resonne, Pour vous mettre hors d’ennuy Vostre gorge iargonne: Frian, frian, frian... Fyez regrez, pleurs et souci, Car la saison l’ordonne. Arrière maistre coucou, Sortez de no chapitre. Chacun vous donne au hibou, Car vous n’estes q’un traistre. Coucou, coucou... Par traïson en chacun nid, Pondez sans qu’on vous sonne. Réveillez vous, coeurs endormis, Le dieu d’amours vous sonne.
