Guest
Ыам ыйын 06 күнүгэр, Сунтаар нэһилиэгин баһылыгын Кубогын иһин тэрилтэлэр холбоһуктаах хамаандаларын икки ардыларыгар ыытыллар 5-с спартакиада чэрчитинэн эстафета күрэҕэ ыытылынна. Күрэх, Аҕа дойду сэриитин кыттыылааҕа, «За победу над Германией», “За освобождение Варшавы“, “За боевые заслуги“, “За взятие Берлина“ мэтээллэр хаһаайына Попов Макар Никифорович сырдык кэриэһигэр анаан буолла. Барыта 8 киһилээх 12 хамаанда кыттыыны ылан күрэхтэстилэр. Түмүккэ, кыайыылааҕынан таҕыстылар: 3 миэстэ-Сунтаардааҕы политехническэй лицей-интернат, Сунтаардааҕы гимназия холбоһуктаах хамаандата; 2 миэстэ - Республиканскай спортивнай резерва А.И.Иванова аатынан оскуолата; 1 миэстэ - Сунтаардааҕы №1 орто оскуолата. Миэстэлэспит хамаандаларга Сунтаар нэһилиэгин баһылыгын солбуйааччыта Ф. С. Фёдоров грамоталары уонна мэтээллэри туттартаата. Ону таһынан, Макар Никифорович сиэннэрэ туруорбут анал бириистэрин сиэнэ уол Попов Петр Михайлович үөрүүлээх быһыыга-майгыга туттарда.
