Guest
Республикон клиникон рынчындонмæ Олысаты Олеся тыхджын тугдзыдимæ æрбахæццæ. Йæ уавæр фæфыддæр иучысыл фæхуыздæры фæстæ. Мидæггаг оргæн ралыг кæнын бахъуыди, æндæр гæнæн нал уыд. Фæлæ фæсопрераци 40-аздзыд сылгоймаг уайтагъд йæ къæхтыл слæууыд. Нырыккон медицинæ — æвдадзы хос, бæлвырддæр зæгъгæйæ та, уый эндоскопон хирургийы диссаг у. Адæймаджы буарыл чысыл нос едтæмæ ницы баззайы, афтæмæй та йæ дохтыртæ мæлæтæй аирвæзын кæнынц. Ахæм операцитæ цæгатирыстойнаг дохтыртæ нырыккон ифтонггæрзты руаджы райдыдтой кæнын. Зæгъæм, мæнæ ахæм хъомысджын лапараскопон цæджындз. Хирургы операцигæнæн стъолыл — гуыбыны рахиз фарсы цæлмæртæнимæ пациент. Æртæ æнæзынгæ хуынчы йæ фæкодтой стыр лыджы бæсты. Ахæм адæймагæн йæ хæцъфтæ лæмæгъ вæййынц æмæ хуылфыдзаумæттыл нал фæхæцынц. Æппыныдзух рисгæ æмæ æнæфæразгæйæ цард дохтыртæ сахатмæ æнæиз цардыуагмæ раздахынц. Ивæзт уæфтæг арæхстгай ралыг кæнынц, уый фæстæ лæмæгъ хæцъæфтæ цыппар ран эндопротезæй бафидар кæнынц. Уыцы хыз дарддæр мидæггаг оргæнтыл хæцы. Цæлмæртæн, дохтырты ныхасмæ гæсгæ, арæхæмбæлгæ у. Цыфæнды хирургон хайады дæр ацы низ фылдæр пациенттæм вæййы. Уæрæсейы æрвылаз скæнынц 500 минæй фылæр ахæм операцийы, дунейы та — милуан æмæ æрдæгæй ахизынц. Æдæппæтæй 2024 азы Республикон клиникон рынчындоны эндоскопы æххуысæй сдзæбæх кодтой 500 адæймагæй фылдæр, хирургтæ йæ хонынц “æнæлыг“ операци. Сæйраг дохтыр Митциты Астаны ныхасмæ гæсгæ, ахæм хъомысджын лапароскопон цæджындз республикæйы æндæр нæй. Бынæттон специалисттæ сæ фæлтæрддзинады рæзты къахыл ныллæууыдысты. Уыимæ иумæ рæзы ифтонггæрзты хæрзхъæддзинад дæр. Буар лыг куы нæ уа, кæд æндидзæн рæстæг дæр цыбырдæр у. Уымæй уæлдай, операцитæ сты лæвар, медицинон полисмæ гæсгæ.
