Guest
Другі год запар, галасуючы ў ААН па рэзалюцыю, датычную парушэння правоў чалавека ў Крыме, Беларусь галасуе супраць. Што, па меркаванні ўкраінскіх палітыкаў, ставіць пад сумнеў нейтральны статус афіцыйнага Мінска. Чаму Беларусь падчас такога галасавання не можа нейтральна ўстрымацца? Ці існуе рэальная пагроза таго, што такая палітыка нашай дзяржавы прывядзе да рашэння перанесці з Мінска ў іншую краіну перамоўную пляцоўку па ўрэгуляванні канфлікту на Данбасе? Ці пагаршаюць такія мала падобныя да нейтральных паводзіны Мінска імідж нашай краіны ў свеце? Які сёння ўзровень узаемадзеяння паміж Беларуссю і Захадам ― ці дазваляе ён ехаць на саміт Усходняга партнёрства Аляксандру Лукашэнку? На гэтыя ды іншыя пытанні ў жывым эфіры Еўрарадыё шукаем адказы разам са старшым аналітыкам Беларускага інстытута стратэгічных даследаванняў Дзянісам Мельянцовым.
