Guest
Türkmenistan 26 ýyl mundan ozal öz döwlet garaşsyzlygyny yglan edeli bäri ýurtda onlarça habar serişdesi, şol sanda 7 sany telekanal döredildi. Olaryň tas ählisi döwletiň eýeçiliginde. Şeýle-de, Türkmenistan emeli hemrasyny kosmosa uçuryp, öz telekanallaryny dünýäniň has köp ýurdunda görkezmek mümkinçiligine hem eýe boldy. Eýsem, Türkmenistanyň döwlet telekanallary dünýäniň dürli ýurtlarynda ýaşaýan türkmenler üçin şu günki gün näderejede elýeterli? Türkmen teleýaýlymlarynyň dünýä türkmenleriniň durmuşyna nähili täsiri bar? Aşgabatdan berilýän telegepleşikler nähili gyzyklanma döredýär? Dünýä türkmenleriniň Türkmenistanyň teleýaýlymlaryndan nähili islegleri bar? Azatlyk Radiosy “Dünýä türkmenleri“ gepleşiginiň nobatdaky sanynda ýurduň daşynda ýaşaýan türkmenleriň türkmen teleýaýlymlaryna bolan garaýyşlary bilen gyzyklanyp, asly Eýranyň Türkmensähra regionyndan, häzir Türkiýäniň Trakýa Uniwersitetiniň Amaly-haşam sungatlar fakultetinde işleýän alym doktor Abdurahman Düýeji we owganystanly türkmenleriň wekili
