Guest
“Фыдыбæстæ хъахъхъæнджытæ“ регионалон фонды арæзт æрцыд “Ныссадз дæхи бæлас“, зæгъгæ, акци. Расидтис æй æхсæры куыстгæнджыты регионты ’хсæн ассоциаци. Сæрмагонд æфсæддон операцийы архайджыты бинонтæн радтой æхсæры 280 талайы. Рæзæндоны сæм зылдысты 3 азы дæргъы. Мадзаларазджытæ ма радзырдтой, дарддæр зайæгойтæм куыд зилын хъæудзæн, уый тыххæй. Акцийы ма архайдта Цæгат Ирыстоны æхсæры куыст парахат кæныны проекты сæйраг инвестор Али Гаджиев. Талатæ фæхæццæ кæндзысты республикæйы иннæ районтæм.
